THE CLOCKWORK CROW

Antur aeafol gyda Volcano. Addasiad o nofel gan Catherine Fisher.

Ar ôl marwolaeth aelod olaf ei theulu, mae Seren Rhys yn disgwyl am drên mewn gorsaf drenau rewllyd, fydd yn ei chludo i’w bywyd newydd ym mhlasty ynysig Cymreig Plas-y-Fran. Yno, mae’n gobeithio gweld siandelïers disglair, socian mewn baths poeth, pwdin plwm ac wynebau cyfeillgar. A chath efallai. Munudau cyn i’r trên gyrraedd, mae dyn pryderus, gyda bysedd hir yn rhoi pecyn anesboniadwy iddi, ac yna’n diflannu i’r nos. Wrth i’r trên adael, a dim golwg o’r dyn, mae hi’n penderfynu mynd â’r parsel gyda hi. Cyrhaedda Plas-y-Fran yng nghanol nos, a’r tŷ mor iasol â’r tirlun y teithiodd hi drwyddo – yn gorlifo o alar, cyfrinachau’n cuddio ymhob man, a dim ond llond llaw o weithwyr yno. A hithau ar ei phen ei hun yn ei ystafell, mae’n troi ei sylw at gynnwys dirgel y parsel…
Mae’r antur wedi ei chreu’n arbennig ar gyfer oes yr ‘aelwydydd estynedig’, a byddwch yn teithio gydag eraill yn eich swigen drwy fyd newydd, dieithr a hudolus Seren, wrth iddi gael ei harwain gan gyfaill clocwaith annibynadwy, osgoi dod ar draws Mrs Villiers, y feistres arswydus, a chwilio am Tomos, y bachgen y tybir iddo gael ei gymryd gan y Tylwyth Teg. Ymunwch â Seren ar y platfform, sbïwch ar y gweithwyr yn y gegin, cerddwch drwy goridorau anghynnes, a theithiwch drwy ddrysleoedd a dolydd i chwilio am y grisiau aur sy’n arwain at y deyrnas hudolus…